Flugeldareglur um reglur gegn flugeldareglugerd

Fátt gerðist markvert í borg óttans í dag. Gerðum okkur þó ferð til flugeldakaupa og keyptum allt það stærsta sem selt var á markaðnum, alveg sáttir við það. Þó lentum við næstum í vandræðum vegna nýrra reglna sem komnar eru á hér í Danmörku, hver einstaklingur má víst bara kaupa 1,5 kíló af hreinu púðri!?! Og þá hefst reiknileiknin. Ekki kom það að sök hjá okkur því við vorum bara margir saman um hver kaup og reglurnar náðu okkur ekki, ekki í þetta sinn. Svo mátt þú ekki keyra á milli staða nema með 1,5 kg. af púðri að þar var komin regla sem við barasta urðum að brjóta, annað var ekki hægt (enda búnir að kaupa allt of mikið). Nú og ef að löggan bankar uppá þá erum við enn ekki sloppnir, því það gilda aðrar og enn fleiri reglur um geymslu flugelda í heimahúsum, skemmtilegt nok.

Kannski ekkert skrýtið í bæ sem ennþá er í sárum eftir sprenginguna fyrir rúmum 2 árum og nú rétt fyrir hátíðarnar sprungu bræður tveir í loft upp ekki svo langt hér frá. En miðað við verslunarferð okkar í dag og þá sem voru í röðinni þar, þá virðist það vera í lagi að dæla í sig nokkrum pillum, skola því niður með vodka, reykja sig svo niður og sprauta sig þar á eftir upp. Þegar þessir menn reyndu svo að setjast inn í bíl með sprengjurnar þá vandaðist málið því líkaminn virtist ekki vita lengur hvernig ætti að setjast inn í bíl með flugeldapoka og loka hurðinni á eftir sér. En þetta er allt í góðu, þeir voru bara með 1,4 kíló af púðri og þar af leiðandi enginn í hættu.

Góð áramót.

Gledilega for-, nu- og framtið

Hey þið nokkru sálir, ekki nema 360 dagar til næstu jóla, get varla beðið. Er þegar byrjaður að undirbúa matseðilinn og skipuleggja pakkainnkaup, enda er allt á 50-70% afslætti í Kolding þessa daganna. Það er það góða við útlöndin og útsölurnar að það skiptir ekki máli hvað ég gef ykkur í jólagjöf, þið getið ekki skipt því....

Samt alltaf gaman að fylgjast með ykkur þarna upp frá, það er ekki lognmollunni fyrir að fara enda vestfirðir á kafi, selfosskirkja orðin að innisundlaug og Vestmannaeyjar týndar skilst mér. Domínos gerði hjartahreint góðverk og þakkaði viðskiptavinum sínum árið með jólakveðju og í leiðinni tóku þeir allar fyrirsagnir dagblaðanna af dópsölum, nauðgurum, árstíðarbundnum hátíðarinnbrotum glæpamanna heimsins, yfirlýstum meðferðarheimilismisnoturum og hinu íslenska forsíðuvæna veðri. Gott að vita að hlutunum er enn forgangsraðað á réttan hátt, ég hef ekki áhyggjur á meðan.

Sniðugt stunt hjá Alcan um hátíðarnar að gefa Hafnfirðingum DVD disk með Bó í von um málefnalega umræðu á stækkun álversins. Ekki veit ég hvernig Bó tengist málefnalegri umfjöllun um álver en ég hef einhvern veginn á tilfinningunni að helstu heimildir álversmanna um Hafnfirðinga sé klassíska meistaraverkið 365 Hafnarfjarðarbrandarar. Hvað gekk þeim til? Þetta er svona "sjáðu fuglinn!" allir líta upp og BANG, álverið stækkað.

En komandi ár lítur vel út, framtíðin er björt og heilbrigð í alla staði fyrir okkur Íslendinga. Alvarlegum slysum er að fjölga, náttúran menguð af fleiri verksmiðjum og Árni Johnsen aftur inn á þing svo eitthvað sé nefnt. Sem sagt björt framtíð og ekkert til að hafa áhyggjur af.

Njótið dagsins

Jebb nu skal etið

Allir komnir fínu sköpin sín og stífpanneraðir kragarnir gera skyrturnar betri og hættulegri. Skötubrælan rétt að yfirgefa kofann og bógurinn kominn með yfirhöndina, jólanefkyrtlarnir eru að samþykkja tímann og skapið fylgir að sjálfsögðu.
Ég vil óska öllum gleðilegra jóla og mettra maga, megi kærleikssteikin troðast ofaní vömbina með græðgi og sósu. Jólakveðjur frá Kolding, borg hátíðar, friðar og fegurðar.
Skál!

ho, ho ho!!

Já það er rétt, ég gat kallað fullt af konum "Ho's" í dag og það á jólaballi. Og engin þeirra sló mig, hehehe, bitches! (nú verð ég laminn). Ekkert eins glymrandi saklaust og rauður kall með poka, klappandi börnum, syngjandi gamla slagara með hálfkæfðri fullfalskri röddu. Hljómar ekki vel, en er samt yfirfullt af sjarma sem þó getur horfið þegar hann kallar alla Ho í kringum sig. Nóg um það.

Kolding borg óttans heldur áfram að hrella samborgara sína með óprúttnum bellibrögðum (kunnið þið einhver bellibrögð? látið mig endilega vita) og nú voru það sárasaklausir (á yfirborðinu alla vega) nágrannar mínir sem voru á leiðinni á jólaball sem komu að nýbrotnum og græjulausum bílnum sínum. Vantaði bara Gleðileg jól stimpilinn á húddið og rós í pústið til að koma boðskapnum til skila. Sorry guys!

Þetta er næstum eins og í Nörrebronx í kóngsins (sem er samt bara drottningarinnar) Köbenhavn, þar sem pönkarar og utangarðsmenn norðurbæjar leggja allt í rúst af því að húsið sem þeir eru búnir að leggja í rúst var tekið af þeim. Mér finnst persónulega að það hefði bara átt að leifa þeim að halda áfram að eyðileggja það sem þeir voru búnir að eyðileggja, þ.e. Ungdomshuset og sig sjálfa í mörgum tilvikum.

Góða nótt

Speedmetal, rugbrauð og sma Jesu

Ég fór á dauðarokkstónleika um daginn og fílaði það geðveikt. Headbangaði reyndar engann og hefði vel getað verið pabbi margra þarna en mikið svakalegt power var í húsinu. Ég og Hreiðar félagi minn skelltum okkur á tónleika með hljómsveitunum Lost Asylum og Process sem eru ansi harðar grúppur. Iron Maiden "rokk" æskan mín leit út eins og Wham í hljóðveri við hliðina á þessum gítarskrímslum og öskrum. Poul félagi okkar úr sparkfélagi KFUM er bassaleikari Process og mikið andskoti er hann mikill rokkari, hefði aldrei trúað því á þetta grey.

Skelltum okkur hjónin í danskann julefrokost á laugardaginn var. Ansi vel tekið áþví þann daginn og matur og drykkja hófst stundvíslega klukkan 1300. Við svindluðum á snafsinum og skildum hann eftir heima og ég held að það sé eina ástæðan fyrir því að ég man eftir mér til miðnættis.....eftir það varð svo dimmt úti og inni að ekki sáust handa skil. Síld, karrísalat og rúgbrauð, fiskefilet, remúlaði og rúgbrauð, kjötbollur, leverpostej, rauðkál og rúgbrauð og endað á hamborgarhrygg, grænkáli, rauðkáli, purusteik, sinnepi og...........RÚGBRAUÐI. Dásamlegt fyrir meltinguna að komast í svona julefrokost með rúgbrauði. Ég var nú reyndar búinn að lofa sjálfum mér að fara ekki í átt að klósettferðum í þessum pistli, en ég laug!

Verkefni, verkefni, verkefni, fullt að skila fyrir jól og ég er farinn að lesa the big B book, biblíutextar fyrir fimmtudag á dönsku. Luvlí

Eins og ekkert hafi gerst

Vildi bara láta vita að það varð ekkert vandræðalegt moment í íþróttum í dag, Allir bara hressir og grey stelpan virðist ekkert hafa skaddast við áðurnefnda ferð sína. Hef ekkert fundið neinn annann útlending og er farinn að gruna Danina um að "frame"a mig íslendinginn með því að loka dollunni í lyktslæmum tilvikum, sníkí bastards.

Lífið annars voða skítt hér bara eins og vanalega, það hlýtur að fara að hausta hérna fljótlega, beljur úti á haga í dag, keyrði fram hjá þeim á leiðinni úr skólanum. Þær sögðu mö og borðuðu gras, bara venjulegar beljur. Engar super vetrar útiveru beljur, bara beljur, skítandi með júgur.

Ætla að njóta helgarinnar í faðmi fárra, baka kannski (3 sortir komnar í krús) og jólast smá. Gefa köttunum að borða, opna dagatalið mitt, drekka jólabjórinn, fara á þungarokkstónleika og skulla mann og annann.

Góða helgi.

Allt a frekar lagu plani i dag

Þetta verður bara í samhengi við fyrirsögn dagsins og við erum að tala um klósettferðir í þessu tilviki. Ég komst nefnilega að því, án þess að hitta viðkomandi, að það er annar útlendingur í kennaraháskólanum í Jelling city, það er nokkuð ljóst. Ég þurfti að bregða mér frá í frímínútum morgunsins til að losa út óþarflega mikla kaffidrykkju klukkutímana áður. Salla rólegur lalla ég ganginn á enda, heilsa eða öllu heldur kinka kolli svona feimnislega til fólks sem mér finnst ég alltaf vera að mæta á göngunum. Þetta er svona á þekki þig en þekki þig samt ekki stiginu. Jæja, nóg um það.

Áfangastaður þessarar göngu og gangnaferðar var klósettið gengt tölvustofunni og var hún að sjálfsögðu full, svona saga myndi aldrei gerast ef tölvustofan hefði verið tóm, (lögmál Murphys). Ég gríp í húninn og það er opið, geng inn og kemst að því að ef ég hefði komið einni mínútu fyrr, þá hefði verið lokað......það er alveg á hreinu. Vegsumerkin voru ekki sjáanleg en einkenni á borð við ógleði og öndunarerfiðleika (hjá mér á þessum tímapunkti) sögðu alla söguna. Þessi saga hefur örugglega eitthvað með hlaup og tæpasta vað og hjúkk að gera. Verst samt fyrir viðkomandi að tölvustofan skuli hafa verið full, hehe, gott á hann/hana.

Ekki hafði ég, nýbyrjaður útlendingurinn, geð í mér (enda þarna orðinn fullur af ógeði) að yfirgefa þetta herbergi svona nýkominn inn án þess að klára það sem klára þurfti. Tek þessi tvö skref sem vantaði upp á þegar það rennur upp fyrir mér að það er annar útlendingur í skólanum!!! Jessica Fletcher, Colombo, Barnaby og Hercule hvað!! Þetta var augljóst, þarna þegar ég er að gera mig klárann, þá þarf ég að taka upp klósettlokið! Eitthvað sem Danir, af einhverjum óskiljanlegum og áður pældum ástæðum, gera ekki. Alltaf skal andskotans lokið vera uppi þannig að bremsuför og óskolaður leirburður blasir við manni þegar maður mætir á svæðið. Þeim er alveg sama.

Ég hef verið að velta því fyrir mér hvort það sé skynsamlegt að reyna að finna þennann útlending þar sem fyrstu "kynni" voru nú ekkert til að hrópa húrra yfir og ég veit ekki hvernig ég ætti að útskýra fyrir viðkomandi hvernig ég hefði komist að því að önnur geimvera væri í skólanum.

En, jæja, ég andaði bara með munninum kláraði pokann, LOKAÐI klósettinu, vaskaði gaflana, þurrkaði þá og greiddi í gegnum hárið. Opnaði fram á gang og nema hvað.....stelpa sem er með mér í íþróttatímum var að bíða eftir bölvuðu klósettinu og það verður væntanlega vandræðalegt moment þegar ég mæti þangað á föstudaginn.

Shit happens!

einn, tveir og allir i röð

Hef stundum velt því fyrir mér af hverju Íslendingar geti ekki nú eða vilji ekki fara í röð. Ég var staddur í Stokkhólmi um daginn sem án efa er höfuðborg raðanna og þar er þetta alltasaman sjálfsagt mál. Þeir þarna uppfrá (frá mér séð) fæðast, lifa og deyja í röðum. Allt samfélagið er í línum, röðum og lengjum hvert sem litið er, aldrei neinn að svindla sér eða troðast, nema ef vera skildi bara til að auka snertinguna við manninn fyrir framan sig.

Sænska er eins og allir heyra (nema heyrnarlausir, þeir hafa aldrei heyrt sænsku. Upplýsandi innskot höfundar.) ókarlmannlegasta tungumál veraldar. Það er ekkert jafn rangt eins og að hlusta á rígfullorðna pólítíkusa í sænsku sjónvarpi vera að reyna að vera alvarlegir, nei það gengur ekki. Þetta er fallegt barnamál og flestar konur geta talað þetta og haldið kúlinu en ekki karlar, nei vonlaust. En það er annað mál.

Kannski er það þessi snerting sem maðurinn fyrir aftan þig í röðinni veitir sem hindrar Íslendinga frá því að standa í röð. Það er alla vega óþægileg tilhugsun að standa í röð þar sem vinur gaursins fyrir aftan þig "stendur" líka, úff aðeins of mikið pælt. Eða ef maður finnur létta snertingu á sitt hvorri rasskinninni, lítur aftur fyrir sig og sér eldri konu, brjóstahaldaralausa í hlýrabol. Það er jú alþekkt að eftir því sem konur eldast þá hækkar naflinn á þeim, þ.e. hann verður allt í einu staðsettur mitt á milli brjóstanna ca. 20 cm fyrir ofan geirvörtur.

Ekki get ég ákveðið fyrir alla Íslendinga af hverju þeir fara ekki í raðir ef þeir komast hjá því, það getur t.d. orsakast af snertfælni, andfýlufælni, perrafælni eða bara ótrausti á eigin sjálfstjórn ef maður laðast að fólki í röðinni. En eitt get ég dregið af þessu.

Ef þú kemur með uppástungu um að allir skuli nú drífa sig í röð, þá ertu annað hvort pervert eða Svíi.

Brosið

fimmtudagspistill Sjera Sigurðar

Allir vegir liggja til andskotans hefur mér verið sagt, en ekki endilega beint samt. Það er víst möguleiki á því að þú nýtir einhver af lífunum þínum til góðra gjörða og lengir þá um leið leiðina til hans þarna niðri. Ekki veit ég hvort þetta sé satt eða ekki en ég veit að það er verið að fylgjast með okkur!!!
Guð faðir almáttugur, faðir jesú bróður besta, ástarfaðir himinhæða og allt það hefur nefnilega sent Krissa kallinn oftar en einu sinni niður til að kíkja eftir okkur. Í þetta skiptið kom hann nokkuð vel falinn, en glöggir (örugglega jólaglöggfullir) eigendur voffa litla komust að því sanna eins og sjá má greinilega í rassgati þess litla ef þessi síða er skoðuð

Ég er sannleikurinn og lífið! (smellið á svarta miracle kassann)

Hvað er það sem kemur svo úr höfði drottins? Hinn heilagi sannleikur? Kannski.
(Hef það einhvern veginn á tilfinningunni að ég hafi stytt ferðina niður með þessu.)
Guð veri með ykkur.....og mer

It's alive!!!

Alveg ótrúlegt hvað tíminn líður hratt. Ég ætti kannski að fara að skipta af tunglhraða og koma til baka to the real world? Sumum finnst það gott að stressa sig og aðra upp í það óendanlega (það getur þó verið endanlegt ef maður drepst...) og skamma mann fyrir bloggleysi og leti. LETI!!! Svona svívirðingum nenni ég sko ekki að svara, það er þekkt stærð í heimi Sigurðar að hlutirnir gerast bara mishratt. Þetta er einföld, en samt mjög flókin, eðlisfræði sem liggur þarna að baki. Alls konar efnafræði tengdar staðreyndir sitja þarna líka, eins og svefnþreytu mólikúlin og lærdómsheilaselluáreitingarmólikúlin eru búin að vera mjög virk hjá mér undanfarið.

En ég ætla að gera mitt besta til að hald sjálfinu lifandi og halda (móli)kúlinu.
Nokkrar fínar pælingar hafa verið að gerjast í mér og koma til með að blómstra hér innan fárra tunglhringja.
Njótið dagsins.

Rattati er hinn heimski hundurinn...

Það er farið að gerast æ oftar að ég sé búinn að logga mig hingað inn og er að fara í gírinn með skrifturnar (puttana) þá gerist eitthvað, síminn, bjallan, barnið, konan, borgarstjórinn eða Bush. Það er alltaf einhver truflun. Núna er ég til dæmis bara að þrjóskast því ég var að átta mig á því að ég er að verða of seinn á fund, en ég ætla bara að mæta aðeins of seint. Nei, ég get það ekki, það er víst minn hagur að mæta á réttum tíma. Ég er ekkert annað en þræll umhverfisins sem nýtur þess að traðka á góðmennsku minni. Sko, þarna fékk ég loksins sagt það sem mig langaði. Fargi af mér létt, þó ekki mælist það reyndar á vigtinni, en það er annað og meira mál. Fundurinn kallar, hundurinn hlýðir.
Hafið góðann dag.

Klassik

Ég er ég og þú ert þú, hvor okkar er asni?

Hold

Málshættir dagsins:

Oft er holdsveikum höndin laus!

Oft missa holdsveikir andlitið!

Ekki það að ég sé eitthvað á móti holdsveiku fólki, þvert á móti. Ef holdsveikinnar nyti ekki við þá myndi maður líklegast hætta að finna varahluti úti á götu eins og putta, handlegg eða jafnvel eyra. Var að spá í hvernig best væri að geyma svona varahluti, þetta á það til að smita einhverri andskotans nálykt í mjólkina og það væri verra ef dóttir fengi sér eyra á brauð í staðinn fyrir skinku.

Finnst það líka svolítið forvitnileg pæling hvernig holdsveikum rís hold?!? Ætli það sé hægt? Brotnar það ekki bara af? Þetta er eitthvað sem ég þarf að ræða betur við félaganna.

Kveðja

3-b og rockstar

Þá er praktíkin afstaðin í bili og ég hef eignast nýja vini, aðalvandamálið er samt að þeir eru allir 9-10 ára. Það lýtur ekkert vel út, út á við. En þetta er samt alveg voðalega skemmtilegur bekkur sem meðal annars inniheldur brasilískan "I am the one and only" gaur, handleggsbrotna gaurinn og þennann með fíflalætin. Sæti strákurinn er á sínum stað og sá plássfreki sem ýtir öllum og það þarf alltaf að sýna honum athygli og svo er það skrýtni gaurinn með fíflalætin sem á íslenskan fjárhund sem heitir Láki. Stelpurnar eru þarna líka, það er þessi feimna sem getur ekki lesið upphátt nema fyrir sjálfa sig, þessi litla með gleraugun og allt á hreinu er þarna, þessi sem virkar 7 númerum of stór fyrir bekkinn er þarna líka. Handahlaupaprinsessan spilar stóran þátt í bekknum og svo eru samlokuvinkonurnar alltaf saman, surprise!

Sem sagt gegnumgangandi meðalbekkur sem fékk reyndar afgerandi praktikant í heimsókn í 2 vikur nú og svo fer ég til baka á vígvöllinn í 5 vikur á vorönn, hlakka bara til, þetta eru svo miklir snillingar.

Magni, fjórða sætið!! Það er nú frekar ömurlegt finnst mér. En best finnst mér þó að það skuli verð móttaka í Smáralind og hann skuli ætla að koma fram með Á móti sól!!! Það er örugglega toppurinn eftir svona ferðalag. Grey maðurinn er búinn að rembast við að hrista ömurleikastimpilinn af sér og hefur tekist það alveg supernova vel. Hann er kominn á spilunarlista rokkstöðva á Íslandi og aðdáendurnir eru orðnir eldri en 13, hvað svo??? Kombekk með Á móti sól.......... andskotinn hafi það, hann hlýtur að hafa kynnst einhverjum góðum PR gæja þarna úti sem ætti að stoppa svona vitleysu. Kommon, það eina sem minnti á hans fyrrverandi hljómsveit var þetta frumsamda lag sem allir drulluðu yfir, þetta var ekki frumsamið rokklag, þetta var frumsamið Á móti sól lag. Þarf ekki að segja meir.

Nú vil ég bara fá Bubba, Dr, Gunna eða Sverri Stormsker í næst Rockstar

strengir og slæmir drengir

Nú er hafin þreyttasta vika ársins hjá öllum þeim sem tóku þátt í Klakamótinu í Kaupmannahöfn get ég lofað. Skrokkurinn er að gefa sig, allir vöðvar virðast strekktir til síns ýtrasta og engar, athugið ENGAR, snöggar hreyfingar geta mögulega farið fram þessa daganna. Koldingbúar stóðu sig með prýði eins og alltaf en við vorum slegnir út í 8 liða úrslitum af okkar eigin liðsfélögum (6 menn sem stungu bara af í skjóli nætur) sem koma til með að standa undir kjörorðunum "traustur vinir geta gert kraftaverk". En nóg af nöldri og leiðindum, við vinnum þetta bara næst.

Guttarnir í bekknu hafa verið nokkuð góðir við mig, en um leið og ég reyni eitthvað þá er einn sem er alltaf til í að ræða Ísland-Danmörk. Hann gleymir bara ekki!

Mig verkjar í puttana bara við að skrifa þetta og ætla ég frekar að eyða kvöldinu í lærdóm áður en ég togna á putta.

bara boltaleikur

Praktíkin byrjuð, allt gengur eins og í sögu, en hvernig sögu segi ég ekki. Krakkarnir eru frekar spenntir yfir íslendingnum sem talar svolítið einkennilega og skilur ekki allt og hafa alveg tekið hann í sátt. Verð samt grillaður ef að danir valta yfir Íslendinga í kvöld, þetta eru kaldrifjaðir drengir sem láta mig fá það óþvegið ef ég á það skilið. En greyið þeir ef Íslendingar vinna, þá yfirgefa þeir skólastofuna á morgun með brotna sjálfsmynd og skömm yfir konungsríkinu. Afneitandi föðurlandinu og skipast í einfalda röð á eftir manninum sem allt getur, Sigga praktikant!

Þetta er ekki bara boltaleikur, þetta er einskonar punktur í sögu hvers einstakling sem ákvarðar um það hvort honum langi til að vakna á morgun eða ekki. Hvort þú sért meðtækur í samfélaginu daginn eftir leik er ekkert sjálfgefið og ef að örlög þín beina þér inn í skólastofu með 30 dönskum börnum og Ísland hefur tapað 0-6 daginn áður, þá er ákveðin lífslöngun dreginn úr þér um leið.

Áfram Ísland.

Hlunkar og morgundagurinn

Á morgun, á morgun, á morgun, á morgun, á morgun, á morgun, á morgun, á morgun, á morgun er ekki bara kominn nýr dagur, heldur dagurinn. Sjera Sigurður hefst handa á morgun við gáfu og þekkingarítroðslu í úthverfi Fredericia kl. 08:15.
Allir velunnarar hjartanlega velkomnir og ég býð alla vega upp á kaffi, ég veit ekki hvort bakkelsið í grunnskólunum hér sé eitthvað og ef það er, hvort það sé yfir höfuð ætt. Nánar rætt síðar.

Klakamótið alræmda hefst næstu helgi og eru leikmenn Borgar Óttans óðum að komast í form. Menn stefna á misjöfn form og eru þau helstu kúlulaga, perulaga og Barbapabbalaga (einstaka títiprjónn þarna inn á milli). Við erum alla vega Grænu hlunkarnir og verða sendar inn myndir síðar til rökstuðnings (nafngiftin ætti ekki að koma neinum á óvart).

Guð blessi dönsku börnin

Allt heila klabbið

Það er bara tvisvar á ári sem ég er glaður. Það er þegar ég á afmæli og þegar ég á ekki afmæli. Það er líka bara í þessi tvö skipti sem ég smakka áfengi, lendi í rifrildi eða lem einhvern, borða yfir mig, nenni ekki að elda, þrífa eða læra. Ég nota heilann á mér bara í annað af þessum tveimur skiptum, þið megið alveg giska á svar.

Dagurinn í dag raðast í annann þessarra flokka og ég á ekki afmæli, en eins og áður þá megið þið giska, en sama hvað ég reyndi í dag þá virkaði bévítans heilinn barasta ekki, sama hvað ég reyndi og það er svolítið erfitt þegar maður lendir í því að heilinn virkar ekki þá getur maður ekki hugsað neina aðferð til að koma honum í gang aftur. Af hverju? Þið megið giska...

kommon komment og barnakennsla

Ekki það að ég hafi verið farinn að örvænta yfir aðgerða- og kommentaleysi hér á síðunni eða orðinn efins um að ég ætti einhverja vini, kommentadraslið þarf bara að komast í lag. Ég skora á þá sem ekki geta kommentað að láta mig vita á sigurdur.thorsson@gmail.com í eitt skipti fyrir öll. Ég er búinn að vera að reyna að fikta eitthvað í þessu og þetta á allt að vera rétt stillt en...... hver veit?

Fór annars í praktik kynningu í dag og í næstu viku og þar næstu (vikur 36 og 37 fyrir þá sem komnir eru í advanced vikuteljarasystemið eins og maður er að reyna að troða sér inn í hér í Dk) verð ég, snarbilaður unglingurinn í kennslustofum Bakkeskolen í Frederecia að troða vitneskju ofan í þar til gerða barnaheila. Hljómar svolítið súrt að hleypa mér í börnin þeirra en betra er að venja þessi grey við að heimurinn er ekki allur eins og hann er séður.

Eigum við að prufa niðurtalningu í verknaðinn/gjörninginn?

mömmu systemið sem enginn kann

Ég hef ekki oft velt því fyrir mér en samt stundum. Af hverju verður maður stundum of þreyttur til að blogga? Þetta er ótrúlegt, ég hafði fyrir því að opna tölvuna, logga mig inn og ætlaði svo að fara að vera eitthvað sniðugur eða fyndinn eða eitthvað og þá bara PÚFF!!! Ekkert! Allt lokað.

Enginn almennileg bloggrás er opin í höfðinu á mér þessa stundina og ekki hefur enn heppnast hjá mér að læra andskotans morskerfið, það væri nú smat gaman að kunna að morsa. verst að það er varla til kjaftur í veröldinni lengur sem myndi skilja mann, s. o. s. = langt langt langt stutt stutt stutt langt langt langt, eða öfugt. Það skiptir engu máli, það kann þetta enginn og það myndi enginn hjálpa manni ef svo ólíklega vildi til að manni skildi detta í hug að nota þetta ef maður væri í einhverri hættu, ekki líklegt. Þetta system virkar bara þannig að enginn skilur þetta og enginn notar þetta. Maður kallar bara á mömmu sína. Kannski þess vegna heitir þetta "mors"?

Forðið ykkur, fullar flugur

Ekki var ég hissa þegar ég las yfir eitt af ótal blaðsneplum hér í landinu litla í morgun um allar þessar geðsjúku vespur sem tæta í öllum og trylla. Þær eru ekki með sjálfum sér vegna þess að þær eru fullar!!! Ofurölvi vespur á flugi um Koldingborg í leit að slagsmálum á þriðjudagsmorgni þar að auki. Ætli flugnabarnavernd viti af þessu, nú eða flug(na)umferðarstjórn? Þetta er vandamál sem verður að taka á og það strax. Eplasnafs í hádeginu er ekki í lagi og peruvín er afleitur morgunmatur fyrir þessi grey, en gerjaðir ávextir liggja samt í haugum neðan við þar til sköpuð tré og rotna og gerjast, tilvalið fyrir rómantíska flugnaferð með kærustunni. Nú eða fyrir one night stand, fyll'ana og fljúga með hana upp í næsta tré. Fá sínu fram og eyða restinni af vímunni í að trylla almennig sem í makindum sínum reynir að halda sér edrú þessu fimm virku daga teljandi niður til helgarinnar með tilheyrandi kvíða og svitaköstum.

En flugurnar fullar af orku, fylla loftin fullar á fullu á eftir saklausum borgurum sem dansa "á ég að drepa þig helvítis flugan þín" eða "ARRRGHHH GEITUNGUR!!!" dansana eins og hálvitar.

Góða nótt

Manudagshugleiði

Fyrsti mánudagur í skólanum er horfinn í gleymsku. Öll andlitin sem ég sá í dag koma ekki aftur, nema kannski eitt. Útlendingurinn er þessi sem talar frekar asnalega dönsku og kann ekki einu sinni öll orðin. Hann er sá sem þegir í fjöldasamræðum en hlær ef að einhver dettur eða er bitinn af geitungi. Hann er svona gaur sem fylgist með öllum og allir fylgjast með honum, ekki endilega á jákvæðan hátt. Hann er þekktur sem kennaraneminn og svarar nafninu Siggi.

Ótrulega súr hefur þessi annars velskapaði dagur verið, blautur, heitur, sveittur og illa keyrður áfram af Kirsten, sem er annars ágætis kennari, en ég verða miklu betri, og Nils, sem er freker furðuleg týpa. Svona góður en samt ekki góður. Frekar rólegur, næstum dauður. En samt ekki dauður. Ég get samt vel skilið þá sem horfa í augun á mér trúa þeim ekki, ekki sínum eigin heldur, og gefast upp á verkefninu, pakka saman og kveðja kurteisislega. "Ses i morgen Siggi!"

um niðurtalningu og annað

Þá er niðurtalning búin og engin veit hvað var verið að telja níður í. Eitt finst mér fyndið með svona niðurtalningar, það eru alltaf einhverjir sem hoppa á einum og aðrir hoppa á núlli. Það væri kannski ráð að gefa út alþjóðlegar samhæfðar niðurtalningarreglur til að það þyrfti ekkert að ræða það fyrirfram hvort maður ætti að hoppa á "eininum" eða núllinu.
Ég lenti til dæmis í vandræðum í gær hvort ég ætti að byrja að skrifa aftur eftir heitt sumarfríið eða hvort ég ætti ekki að byrja fyrr en í dag. Ekki það að ég hafi misst einhvern svefn yfir þessu en þetta tók smá pælingartíma frá annars stórfínum föstudeginum sem markaði annan dag leiðar minnar í átt að kennaranum, ansi merkileg staða að vera kennari finnst mér.

Ræddi það við einn skólafélaga minn í gær hvað við erum að stefna á kennarann á vitlausum tíma. Fyrir 30-40 árum og þaðan af lengra síðan voru kennararnir heilagir. Þeir stóðu upp á töflu með skíthræddan almúgann fyrir framan sig og allt sem þeir sögðu var heilagur sannleikur og enginn nemandi efaðist um sannleiksgildi þess sem kennarinn sagði og ekki voru nemendurnir í góðri stöðu til að afsanna orð hans ef svo ótrúlega vildi til að einhver efaðist. Í dag þá þarf kennarinn virkilega að vita eitthvað!! Þessir ormar sem nútíma nemendur eru víst orðnir eru orðnir klárari en kennararnir á mörgum sviðum og það þarf ekki annað en að googla það sem kennarinn segir, koma í skólann daginn eftir og virkilega kvelja kennaragreyið með spurningum sem virkilega krefjast einhverrar vitneskju af kennaranum. Heimur versnandi fer.

Annars eru góðu fréttirnar þær að það hefur ekki verið atvinnulaus útlærður kennari skráður í Danmörku í 2 ár og það er heill haugur af kennurum að úreldast þann tíma sem ég verð í skólanum, þannig að það ætti ekki að verða mikið mál að vinnu sem skotskífa framtíðar okkar við útskrift.

Hilsen

en....?

2

hvað er eiginlega i gangi?

...3...

og meira

...4...

þetta er allt að koma

Niðurtalningin er hafin:

5...

Safari- ekki vafrinn, ekki ferðin heldur....

Hitabylgja undanfarna daga hefur gert það að verkum að tölvubúnaður feitakallsins neitar að vinna. Ástæðan ku vera mikil svitaköst feitakallsins, en eins og alþjóð veit þá svitnar hann á við meðal 30 manna fótboltalið. Verið gæti að hitabylgja þessi setti öll skrif hér á síðunni úr jafnvægi næstu vikurnar, en við vonum að röskunin verði sem minnst.
Í þessum hita hefur samt hver bílferð hér minnt á svona safari ferð og þegar maður er inni þá er besti vinurinn vatnið og juicerinn (djúserinn) sem á íslensku gæti útlagst safari. Sniðugt! Safari (ferðin) og safari (juicer) hér í Kolding, hver þarf að fara til Afríku?
Kveðjur frá Kolding höfuðborg eyðimerkurinnar

Panty Football í San Francisco

Stórskemmtilegt uppátæki. Þetta video er tekið af David Fratto læriföður og vini mínum í San Francisco. Þetta er tekið á Haight street en þar var ég í praktík í fyrravor. Það verður bara að viðurkennast að þeir taka svolítið skemmtilegan (homma-, kven- og ultrakarlmannlegann) vinkil á þetta og gera fótboltann all mikið meira macho heldur en hann raunverulega er. Þarna grætur alla vega enginn og enginn sem kallar á mömmu sína. Það er mikið af ítalskt ættuðu fólki þarna og óska ég þeim bara til hamingju með titilinn þó sárt sé. En lífið heldur áfram og ég er farinn út að smala saman í panty football.

HM i raunveruleikaleik

Jæja gott fólk...og hinir líka. Hm í fótboltasparki er búið dáið og grafið. Úrslitaleikurinn dramatískur eins og lofað er á hverju móti og fæstir sáttir við sigurvegaranna. þessi keppni öðrum fremur minnir mig samt meira á óskarsverðlaunahátíðina en margar fyrrspilaðar knattspyrnukeppnir og ef að það hefðu verið Portúgalir sem hefðu mætt Ítalíu í úrslitum er ekki laust við að skipta hefði átt út dómaranum fyrir leiklistargangnrýnanda. Bravitsímó! segja þeir víst eftir vel heppnaða leiksýningu, standandi lófaklapp, tár í augunum og meira Bravitsímó! Leikararnir brosandi hringinn stíga fram á sviðið haldandi í hönd næsta leikara og reyna að koma hrósinu yfir á hann, passívir og hlédrægir; "Ég hefði aldrei dregið fram þessi karaktereinkenni Dr. Drake ef Laddi hefði ekki verið svona framúrskarandi og gefandi hjartasjúklingur!"
Þetta virkar ekki alveg eins í fótboltanum, það er ekkert hinum að þakka, það er enginn hinn. Þetta er einstaklingsleikur í hæsta gæðaflokki. Það er kemur samherjunum ekkert við og þeir eiga engann þátt í undirbúningi þess hve þú dast flott, það var 100% þitt stunt.
Það er undarlegt að maður skuli ekki kunna við þetta því að ég er nú annálaður knattsparksaðdáandi og ekki hefur mér enn leiðst í leikhúsi á þessari ævi, en mikið andskoti er þetta skelfileg blanda. Ég hef upplifað ofleik í leikhúsi og virðist það oft vera partur af öllum pakkanum. Það er ekkert eðlilegt við leikara sem sýna manni klassískt Shakespeare verk í leikhúsi, það er ansi oft einum of og stundum jafnvel tveim eða þremur of. Þetta árið varð ofleikur órjúfanlegur partur af nýafstöðnum grasleikum og ekki kæmi það mér á óvart að nokkrir þeirra sem eiga erfitt með að láta sjá sig aftur á knattspyrnuvelli létu reyna á ómælda hæfileika á fjölunum og það er örugglega hægt að plata mig í að leggja nokkra upphæð undir að næsti Hamlet verði svarthærður með krullur, tali portúgölsku og geti aldrei heimsótt Manchester borg framar.
Bravitsímó!

Bruni BB

Af hverju er blámaður svartari en svertingi? Það meikar engann sens. Ég er annars á hraðri leið í að verða svertingjastaðgengill og í framhaldi af því blámannsefni. En það kemur kannski seinna.
Í augnablikinu er ég rauðskinni af sterkari gráðunni eftir heiftarlega ósmekklega frmakomu sólarinnar í minn garð síðastliðinnar helgar. Þetta gula fífl varaði engann við og því gerði ég mér enga grein fyrir afleiðingum strandarferðarinnar fyrr en um seinan og úr varð bruni bb (bruni bleika bjánans). Eftirköstin hafa aðallega falist í hita, svita og skjálftaköstum sem lýsa sér í ofurrauðum húðlit á ofanverðum líkamanum og sársauka sem finnst þó ekki nema þegar ég er vakandi og í fötum...!?! Sem betur fer! En vegna hita, svita og skjálftakastanna þá sef ég ekki mikið og sársaukinn varir því í um 22 tíma svona fyrstu sólarhringana. En það lagast fljótt, vona ég innilega.
Í lok vikunnar er svo spáð 25-30 stiga hita og ég vona það heitt að ég verði kominn í lag og verði farinn að geta klæðst einhverju að ofan fyrir þann tíma því það er miklu eðlilegra að mæta á ströndina í einhverju svo maður geti nú farið úr að ofan. Það mætir enginn ber að ofan á ströndina, það er kjánalegt. Ég er ekki svo vitlaus. No way!

Ef ég lifi næstu sólaráras af, þangað til næst. Adios!

gettu hvað eg er?

Ég er nú ekki mikill aðdáandi svona kannanna en mér finnst doldið spes að vera drykkur sem ég hef bara nýlega smakkað, geggjað.

You Are Root Beer

Ultra sweet and innocent, you have a subtle complexity behind your sugary front. Children love you, but so do high end snobs... when you're brewed right. Your best soda compatibility match: Dr. Pepper Stay away from: Diet Coke

What Kind of Soda Are You?

eggjaverksmiðjan Vibbi hf.

Fyrir nokkrum dögum síðan þá fékk ég símtal um að leysa af í 1 dag í eggjaverksmiðju, ekkert mál. Ég mætti samviskusamlega klukka 06:45 frekar tilbúinn í daginn, eða það hélt ég alla vega. Annað átti eftir að koma á daginn. Það fyrsta sem ég fékk í hendurnar var plagg um þrifnað og annað. Þar var ein grein um það að ef ég fengi niðurgang þegar ég kæmi heim þá ætti ég að hringja í bossinn og segja honum frá!! Yeah sure! "Blessaður stjóri, ég var að skíta. Djöfull var þetta eitthvað frussandi í dag, það er allt annað en í gær þegar þetta var svona þéttur hnoðleir. Ég vildi bara láta þig vita. Hafðu það gott í kvöld, bið að heilsa frúnni. Ég hringi aftur ef þetta þykknar ekkert. Bless!"

Dagurinn leið hratt og fínt þeir sörveruðu meira að segja ávexti og kökur í kaffitímanum en svo kom skellurinn, ælutíminn og vélaþrifin. Síðasti hálftími dagsins fór í það að þrífa blessaða vélina og ef ekki hefðu brotnað 500-1000 egg í henni yfir daginn þá hefði það ekki verið neitt mál held ég, en..... þetta var ógeð. Undir vélinni safnast yfir daginn brotin egg sem storkna ekki í hitanum heldur safna svona lúmskt ógeðslegri lykt sem gerir skítasamtalið til verkstjórans pís of keik. Þegar ég hafði kúgast í hálftíma yfir þrifunum varð ég frelsinu feginn og brunaði heim til að lýsa deginum fyrir konunni. Þar kúgaðist ég svo mikið að sagan þurfti bara að klárast daginn eftir. Svo las ég í blöðunum að fúlt egg skapaði eina af 10 verstu lyktum í heiminum. Ég efast ekki í sekúndu.

Eggjaverksmiðja, check. Bin ðer don ðet, never agen.

magnaður timahraði

Það er alveg ótrúlegt hvað tíminn líður áður en maður kemur nokkru í verk. Þetta hef ég upplifað svolítið síðustu vikurnar. Morgunmaturinn er búinn áður en maður vaknar, það er komið hádegi áður en maður klárar morgunmatinn, miðdegishressingin löngu farin þegar maður slafrar í sig hádegismatnum og kvöldmaturinn orðinn kaldur þegar maður tekur síðdegiskaffibollann. Það kallast svo bara gott ef maður nær kvöldmatnum áður en maður sofnar og svo byrjar öll romsan aftur daginn eftir.
Útaf þessu tímaleysi eða tímahröðun sem greinilega er gengin á í heiminum þá hef ég ekkert bloggað undanfarið en ég hef verið duglegur að safna upp hugmyndum. Kannski verða þær að veruleika næstu daga, svona eins og litlir draumar sem rætast og gleðja litlar sálir. Ég á alveg eftir að gera upp kindaklónun, eggjaverksmiðjuvinnudaginn, 2 L í orði, festast á filmu og svo svo byrjar HM eftir viku og þá verður fjandinn laus í sveittramannafaðmi, kyssingum og öðrum karlmannlegum athöfnum.
Sjitt hvað tíminn snýst, ég er orðinn allt of seinn í sunnudaginn, lífið flýgur, ég sit eftir sveittur í lófunum, finnst ég vera að missa af Hvítasunnunni. Til hamingju með afmælið kirkja! Já ég veit hvers vegna hvítasunnan er svona biggdíl, sörpræs!! Ég ætla að drífa mig út og ég ætla að taka þátt í afmælinu, kannski vinn ég í pakkaleiknum. Kaleik, vígt vatn og vígtennur eða hempu og hamp, hver veit. Kannski vinn ég þetta allt(ari). Þá er ég heppinn og þá er guð góð...

Svin eru fin

Þetta er örugglega fyndnasta en jafnframt sorglegasta "frétt" sem ég hef lesið. Ég fékk bara þess óstjórnlegu löngun að deila henni með ykkur. Ekki það að þetta tengist eitthvað en svín eru bara ofarlega í huga mér og hafa víst lengi verið og í ljósi þess að í annað skiptið á frekar stuttum tíma þá krassar flutningabíll í Danmörku, fullur af svínum (vonandi ekki nauðguðum samt)!!! Svínin, eins og gefur að skilja, annað hvort drepast eða verða frelsinu fegin og skinkast upp og niður hraðbrautina. Frekar góð tilbreyting fyrir okkur Íslendingana að geta keyrt fram hjá einhverju öðru en skítugum rollum. Og ekki slæmt að eiga möguleika á því að ná (kannski nauðguðu) beikoni á grillið, smá tilbreyting...

þriggja minutna pæling

Ég var að pæla. Vinnur maður eitthvað ef maður drepur tímann áður en tíminn drepur mann? Er þetta einhverskonar einvígi?

Ég er nefnilega svolítið svekktur yfir þessu öllu saman. Ég er nefnilega mjööög góður í að drepa tímann, en hann gefst bara ekkert upp! Það er eins og hann fái alltaf "lifnipillu" og komi til baka. Svo loksins þegar að tíminn nær að drepa mig einu sinni þá er þetta búið, ekki snefill af réttlæti þarna á ferð.

Ég hef alltaf lifað í þeirri trú að ef ég get drepið nógu mikið af tíma, þá verð ég fyrsti ódauðlegi maðurinn. Það er nú ekki svo slæm sýn fyrir saklausar sálir heimsins að ég lifi að eilífu. Það geta nefnilega ekki margir á þessari jarðarkúlu verið betri en ég í að drepa tímann, ekki sjéns.

Hvað með tímaþjófa? Græða þeir eitthvað á því að stela? Er það kannski lykillinn að eilífu lífi að vera bara duglegur tímaþjófur? Þetta er svona seinni tíma tímapæling.

Nú drap ég t.d. 3 mínútur og fór létt með það.

ekki dauður enn...

Sorry, en æfingin er búin og ég er enn á lífi... Ég lagði í Tottenham brandarann um ljósaperuna og þjálfarinn hló...ekki. Hann leit í kringum sig á hina sem hlógu, engin svipbrigði. Leit rólega yfir til mín og sagði: "Siggi! One day I´ll kill you, nothing personal. I´ll just have to kill you...."

Ég bara elska fótbolta!

litill boltapistill

Í ljósi síðustu daga þá verður að koma hér einn boltabrandari eða tveir.

Vitiði hvað þarf marga Tottenham-menn til að skifta um ljósaperu?
Engann, þeir eru vanir því að standa í skugganum af Arsenal.

Svo hefur heyrst að pampers sé orðinn aðalstyrktaraðili Tottenham!!



Það er gott að geta skrifað þetta hér á íslensku og ekki verið í neinni sjáanlegri hættu með framhaldið. Ég æfi nefnilega fótbolta hér í Danmörku og þjálfarinn minn er forfallinn, uppalinn, breskur, tottenham-maður og hann hatar Arsenal af ástríðu. Eins óskiljanlegt og það hljómar að hata Arsenal þá er þetta raunveruleikinn hjá þessum greinilega hugsjúka manni. Hann heldur mreyndar með tveimur liðum í Englandi (heiminum), hann heldur nefnilega með tottenham og liðinu sem er að spila við Arsenal!!! Hann hefur hótað mér fótbroti ef ég mæti í Arenalbúningi á æfingu. Eina æfinguna þá vorum við í sama liði, mér varð heitt og fór úr yfirhöfninni og var í undurfallegri Arsenal treyju innanundir, þegar þessi ágæti þjálfari sá það, þá lét hann mig skipta um lið og gaf svo nýja liðini mínu refsingu og kenndi búningnum um. Minnimáttarkenndin alveg að drepa hann. Svo áttum við stutt samtal um daginn um leiki síðustu helgar og þá gleðifregn að Tottenham skeit á sig í bókstaflegri merkingu (kenndu matareitrun um, en ég efast) og Arsenal lenti í 4.sæti deildarinnar en Tottenham í því 5. Þessi ágæti þjálfari bað mig þá kurteislega um að mæta ekki í Arsenal-treyju það sem eftir væri tímabilsins ef ég vildi vera svo vænn, eða orðrétt: "Ef þú mætir í Arsenal treyju á æfingu það sem eftir er tímabilsins þá get ég ekki ábyrgst hvað ég geri við þig!!! Sorry, ég fótbrýt þig örugglega og gæti slysast til að gera eitthvað meira."

Kannski er það heigulháttur, kannski ekki, en ég hef ákveðið að mæta ekki í Arsenal-treyju á næstu æfingu. Ég ætla að mæta í 2 eða 3 Arsenal treyjum og stuttbuxum og með svitaband, trefil og derhúfu. Annars er draumurinn að mæta á æfingu í Tottenham búningi með pampers auglýsingu á bumbunni, sorgarband og klósettpappír hangandi úr stuttbuxunum.

Æfing í kvöld, þangað til (vonandi) næst
kveðja frá einu Evrópuvon Englands þetta árið

ljoð dagsins

Allir hlutir ganga, synda, hlaupa, skríða, hoppa, keyra, fljúga eða fara bara í hring. Ljóð dagsins er um lífshlaup ýsunnar og er ansi forvitnileg pæling. Að sjálfsögðu samin af mr.Stormsker herself.

ég yrki vísu um ýsu
sem áður fór um haf
en hún var veidd og hífð um borð
og hausinn skorinn af.

nú hjá okkur er hún, upp á komin fatið
örlög grimm, og þó
innan stundar fer hún, út um endagatið
og aftur út í sjó.

Sv.St.

ss-sveitin

Eins og stafurinn S er nú fallegur og gegnir mikilvægu hlutverki í íslenskri tungu þá er ekkert rosalega fullorðinslegt eða fallegt að hafa tvö slík saman í orði. Mörg orðin sem innihalda 2 S í röð eru bara fyrir krakka og einkenna oft á tíðum barnalegan húmor (sem ég fíla samt alveg). Orð eins og passa, hossa, krassa og klessa eru í yfirburðanotkun hjá yngri kynslóðinni og ekki talin mjög fullorðinsleg orð, gæta, hristast, krot og blettur eru algengari í notkun fullorðinna. Það er ekki mikill klassi yfir pissa og rass, og ekki eru blótsyrðin notkunarhæf í tali og varla á prenti en ég nefni hér samt orðin tussa og pussa. Ekki er mikill glæsileiki yfir því að ver tossi sem gengur um í mussu, reykjandi hass. Svo frussast vessarnir í fossum úr bólunum þegar hann trassar að massa á sér andlitið.

Maður má samt ekkert verða hissa þótt að massaður fress sem spilaði á bassa en núna hengdur er á kross, missi vessa úr bossanum oní kassa sem hross hefur passað og pissað í og það er klassi að vera viss um hvað massinn er mikill sem klessist í kassann. Bless

miðvikudagur til martraðar

í fyrsta sinn á ævinni er ég með tannpínu (nei, það á ekki að vera s þarna fremst, þetta er bara tannpína). Þetta er alveg nýtt fyrir mér að vera að drepast í kjaftinum án þess að vera með tyggjó eða seigt kjöt. Ég hringdi í tannlækninn áðan og var nú nokkuð rólegur því bið hérna er venjulega 1-2 vikur og ég var farinn að hlakka til að eyða þessum tíma með verkjalyfjum og dagdrykkju en nei, ekki boðið upp á svoleiðis lúxus í mínu lífi. Andskotans læknirinn getur tekið á móti mér á morgun!!! Ég fékk bara skjálftann enda hef ég aldrei lent í neinu stóralvarlegu með þessa menn sjálfur, en ég hef heyrt allar sögurnar af þeim. Ég hef heyrt sögur um það þegar þeir hafa næstum því drepa fólk í stólnum og slitið af fólki eyrun eða rifið einhverja tönn úr sem var föst við augnbotnana og augað bara poppaði aftur á bak. Ég hef heyrt sögur af því að þeir hafi rekið hnéð í punginn á fórnarlambinu við að rífa eitthvað úr eða brjóta eitthvað, þeir hafa rifið í sundur kinnar á fólki og sprautað flúor inn í fólk í staðinn fyrir deifingardraslinu o.s.fr.v
Mér var kennt það sem barni að safna öllu sem gerist í lífinu í svokallaðann "reynslupoka" og taka með mér hvert sem ég fer, það væri alltaf gott. Þetta litla ráð, hefur samt gert það að verkum að ég á ekkert eftir að sofa í nótt vegna fyrirhugaðs fundar við tannlækninn. Þetta er án efa heimskulegasta ráð sem hægt er að gefa barni og þegar ég mæti í fyrramálið og hitti örlög mín þá á ég eflaust eftir að fara að pissa í mig og hlaupa grátandi heim. Nema ég vakni kl. 06, taki bjór og parkodin með ristaða brauðinu í morgunmat, ég á hálfa wisky upp á skáp og næði örugglega að fara langt með hana yfir mogganum fyrir kl. 10.
Já, ég held að þessi hræðsla er alger óþarfi rétt eins og botnlanginn í manni og forseti á Íslandi. Ég held ég taki þessu bara eins og karlmaður og biðji um svæfingu.

bje, ij, bje, ell, ij, a, er bokin bokanna

Nú eru páskarnir nýafstaðnir og flestir sáttir við hvíldina, friðinn, guð og biblíulestrana. Allir komnir með pungaskilning á jesú og lærisneiðunum, krosshengingunni og öllu hinu. það er samt eitt sem ekkert voða margir vita og eru alveg voða pirraðir útí júdas fyrir að svíkja kónginn, en það er ekki satt. Þetta var nefnilega fyrsta framapotunar plott sögunnar. Jesú fór nefnilega að pissa rétt fyrir mat og valgdi pissuskálina við hliðina á Júdasi og byrjuðu þeir að spjalla svona eins og menn spjalla þegar þeir halda um vininn á sér. Þetta endaði all vega með því að Jesú bað Júdas um að svíkja sig því hann var orðinn þreyttur á að vera alltaf eitthvað að galdra og fá ekkert fyrir það. Júdas var nú ekkert á þessu í byrjun en eftir mikla sannfæringarræðu um að Júdas yrði frægasta lærisneiðin þá sló hann til, hljóp út og klagaði krissa. Fékk hann svo festan á krossinn og var hataður um stund en er nú í hugum okkar 20.aldarbúa sá eini af "the fantastic 12" sem við þekkjum með nafni. Gott plott.

Fékk annars páskaegg sent frá íslandinu góða og fékk ég málsháttinn "geðprýði er gulli betri!" passar ágætlega hef ég heyrt. Ég brjálaðist samt og grýtti egginu í vegginn, snéri gula plastfuglinn úr hálsliðnum og kveikti svo í helv... miðanum. Hljóp út, skallaði nágrannann, reif utan af mér skyrtuna og öskraði lungun úr mér, hrækti á götuna, sparkaði í næsta póstkassa og fór svo að spá í því hver hefði eiginlega byrjað með þessa málshætti. Ótrúlegt hvað hann hittir oft í mark, örugglega sniðugur gaur...

sa steiktasti i langan tima

Jæja þá er frú feitakallsins og dóttir feitakallsins búnar að yfirgefa hann í 2 daga, köben beibí. Feitikallinn sem kallar ekki allt ömmu sína, enda á hann bara eina ömmu og getur ekki kallað neinn annan ömmu sína, flatmagar í slotinu á meðan með öl í annarri og öl í hinni. Það er samt hálfbjánalegt að segja að feitikallinn geti FLATmagað því það er nú ekki mikil flatneskja þar á ferð, en feitmagað hljómar bara svo illa að við höldum okkur við flatmagað. The polyphonic spree og tónlistin úr Thumbsucker í tækinu og feitikallinn liggur bara í sófanum og klappar buffinu í gríð og erg (til að hreinsa ykkar sóðalegu hugsanir þá er Kaktus (Cactuz á ensku) ofvaxni kötturinn okkar nefndur buffið og er réttkjörinn formaður Bufffélagsins (3 f í röð er ekki algengt í orðum) EDDU (Eflaust Dáðustu Drengir Alheimsins)). Púff, hvað þetta voru margir svigar!

Hafið þið heyrt lagið "The 3 Days Of Jesus Christ And People" með Gissuri Birni Eiríkssyni? snilld!!!

Táin er annars að komast í sitt fyrra form (það er svona tálaga form) og er hætt að kvarta og þakkar fyrir allar heillaóskirnar og blómin sem hún vonaðist til að fá og heldur að hún hafi fengið. En hún er auðvitað í sokkum allann daginn og veit ekkert hvort það hafi komið blóm, ég get logið öllu að henni, hehehe. Hún er eins og stríðsfangi í Írak, teipuð föst allann daginn, poki settur yfir hausinn á henni og rakastigið og fúkkalyktin langt yfir meðallagi venjulegrar rotnunar. Ef táin gæti talað þá yrði ég líklegast kærður fyrir stríðsglæpi og skorinn af henni.

p.s. Ég fylgist með ykkur.

Það besta hingað til: Ef hægt er að vera of hreinskilin, þá er hægt að sjá það hér

CS2 - hljomar tæknilegt

Ekki er nú mikið að gerast í annars mikilvægu lífi þessa daganna. Vejle námskeiðið búið og maðurinn orðinn að snillingi í flestu því sem þar var kennt þ.e. Photoshop CS2 (stolinni útgáfu) Illustrator CS2 (einnig stolið) og InDesign (illa fengin útgáfa). Allt er þetta löglegt og fínt og langt utan lög-, land- og páska helgi. Páskasælan framundan með ógurlegu áti og vitleysu ef ég þekki sjálfan mig rétt, en ég er samt í sama pakka og flestir....ég hef ekki hugmynd um það hver ég er þannig að málið er dautt og ég get ekkert fullyrt um át eða vitleysu að svo komnu máli.
Skautið áfram

fredid thyskt brotid vopnabur (urdrattur)

Thá hefur helv... sjúkrahúsid verid heimsótt eina ferdina enn. ARSENAL Vid fengum svona tæki, eitthvad svona skídagøngutæki ad láni hjá hreidari og Gunnu hér um daginn. Bølvad tækid hefur ekki losad mig vid eitt kíló (enda kannski ekkert mikid notad) en samt nád ad brjóta eina ARSENAL tá. Já ég sparkadi í tækid med stórskemmtilegum ARSENAL afleidingum og gólfkyssingum. Haltra svo um allt eins og bjáni og hugsa tækinu theygjandi thørfina.
Skellti mér svo til tískulands/fiskalands/thyskalands/germany í gær med honum Gústa ARSENAL nágranna og fyllti á øl, gos og kaffi birgdir med gódum ARSENAL árangri. Thar rakst ég á ansi hreint skemmtilega ARSENAL vøru, nefnilega cannabis bjór!!! Thessi líka girnilegi ARSENAL vøkvi var audvitad keyptur en ekki drukkinn í gær vegna barnamergdar en ég veit ekki hvenær ARSENAL smøkkunarkvøldid verdur en thad verdur ørugglega rætt um thad thegar af verdur.
Thad er svo kannski rétt ad geta thess ad mínir menn (ARSENAL ef einhver er ekki viss) eru ad gera ansi hreint góda hluti í Evrópu thessa daganna og minna um margt á sjálfann HItler. Slátra øllu sem fyrir er og skilja eftir sig stráfelld stórveldin eitt af ødru. Rædum framhaldid sídar.
Hafid gódann dag med hreint arsenal hjarta

ljoð dagsins er tileinkað konum

Þinn líkami er fagur
sem laufguð björk,
en sálin er ægileg
eyðimörk.
(Davíð Stefánsson)

Ad yrkja erindi, er yndi

Ég ætla ad kíkja adeins á dønskuna aftur, thad er svo afskaplega skemmtilegt mál thegar madur er ordinn jafn gífurlega klár í thví og ég. Mørg ord hérna minna mig soldid mikid á Jónu frænku© (legend og skrásett vørumerki) mína thegar ég heyri thessi gømlu "íslensku" (í mínum huga) ord eins og krúsídúlla og húllumhæ (ég sagdi aldrei ad thetta væru karlmannleg ord), svo ekki sé talad um dittinn og dattinn. Ég hef alltaf stadid í theirri meiningu ad thetta væru jafn íslensk ord og kúluvarpari eda pungsveittur, en svo er víst ekki.
Annad mál sem er mér ofarlega á baugi (ekki Baugi samt) er bíll sem mætir mér á hverjum morgni thegar ég yfirgef ástsælt heimili mitt med tár í hvørmum. Thessi bíll er merktur thví ágæta tryggingafyrirtæki Dansikring (sikring thydir trygging DAN1024). Einn daginn! Já einn daginn á ég eftir ad labba ad thessum bíl vopnadur tússpenna og bæta vid thetta skemmtilega nafn "um jólatréd". Thá høfum vid Íslendingar bíl í Danmørku merktan "Dans i kring um jólatréd"
Mér skilst ad thad sé nefnd í thví ad reikna út hvad tharf ad drekka marga bjóra og mana mann mikid til ad fá thetta framkvæmt. Thetta er nefnilega svo lítill markadur fyrir svona grín í útløndum!

Visa dagsins

Ljóð sem litar getur sálina á góðum degi

Heimtaðu allt af öðrum
engu skalt þú nenna
Ef þú aldrei gerir neitt
er ekkert þér að kenna

höf. óviss

upprifjun

liggur niður hraun og hjarn
heljarvegur langur
fjarskalega leiðingjarn
er lífsins niðurgangur

stormsker

Það er flenza fljugandi

Það er auðvitað helber lygi að flensa gangi, hún flýgur. Hún hendist útúr manni þegar maður hnerrar á næsta mann og blautu droparnir sem hann finnur þá í andlitinu á sér gætu í framtíðinni verið dauðadómur.

I am a bird now. I´ve been influenced by influenza. Það er frekar skítt að liggja svona horaður í bælinu með snítipappír í annarri og fjarstýringu í hinni, strepsils á náttborðinu og te í súperfína arsenalbollanum (te er frekar ógeðslegt ég get bara ekki drukkið kaffi, þetta er það slæmt) og horfa á fréttir um fuglaflensuna. Allir þessir prófessísku Danir sem vita allt og þekkja alla, en samt ekkert meira en hinir af því að þeir trúa á janteloven (þessar elskur), gagga og flauta í einum kór um alvarleika fuglaflensunnar. Þeir virðast allir voða vissir um að þetta smitist ekki í fólk nema við gjörninga eins og Bruni BB frömdu í Rokk í Reykjavík og líklegast þyrfti þá skella'onum í sárið á hænunum, éta þær sem kjúklinga-sushi nú eða bara sleikja þær.

Sumir vilja meina að fugleflensan drepist automitiskt á næstu 2-3 árum en þegar þeir voru manaðir í veðmál þá sögðu þeir: "nei við erum vísindamenn!" OG!!! Hvað er betra en að vera vísindamaður með allar tölur og kannannir og staðreyndir og pælingar á hreinu og veðja við hina um hitt og þetta? Money in the bank, skuldlaust. Niðustaða þessa þátta (3 í gærkvöldi) um fuglaflensuna voru samt gegnumsneitt þannig að á meðan þú stundar ekki pervertískt með fuglum eða kettinum þínm sem kannski étur fugla, þá átt þú að vera ok.

Með þessa vitneskju þá kjaga ég á klósettið (bara 1 sella sem segir mér að skíta ekki á gólfið), það kurrar í mér og mig langar ekkert smá til að fljúga til læknis og tilkynna honum um anda teppuna. Ætla að reyna éta eitthvað af þessum ormum og grasi frá í gær. Reynið svo að segja mér að þetta sé örugglega ekki fuglaflensa....

En kannski er ég bara lítill furðufugl með kvef, sárasaklaus og ósmitandi, hver veit?

raðir

Ég lenti (alveg óvart) einu brjálæðinu enn hér í Kolding borg óttans. Þetta var kannski örlítið látlausara en flugeldasprengingin en brjálæði samt. Intersport er að hætta og það er 50% afsláttur af öllu í búðinni. Fólk gjörsamlega bilast og kaupir sér það sem það hefur aldrei ætlað að kaupa og jafnvel aldrei aldrei pælt í að kaupa en kaupir það samt, því það er að spara. ég var staddur í biðröðinni þarna í dag og hún var löng. Í svona löngum röðum er gaman að skoða fólkið og líka mikið hægt að hugsa og pæla.

Aðalpælingin í dag var eftirfarandi: Hvort er það varan (vörurnar) eða kúnninn sem er í biðröð?

Manni finnst allt í lagi þó að sá sem er á undan manni í röð fái eina og eina vöru frá einhverjum öðrum í búðinni sem er þá líklegast með viðkomandi, það er alveg ok. Manni finnst líka ok ef að sá sem er á undan manni sé leystur af ef t.d. kemur upp magapína eða eitthvað álíka og afleysarinn fer jafnvel alla leið á kassan og borgar, það er fínt líka. En manni finnst það ekki í lagi ef að sá sem er á undan manni í röðinni gefst upp og gefur stæðið sitt til einhvers annars, það er ekki í lagi. Af hverju?
Eins og dagurinn sannaði, þá skóp þetta rifrildi og athugasemdir sem flugu á milli raðara með frekar reglulegu ónæði fyrir aðra raðara.

Þess vegna vakna sjálfssagðar spurningar eins og : Hvenær er manneskja í röðinni og hvenær eru vörurnar í röðinni? Af hverju eru ekki til staðlaðar raðareglur? Nú eða raðaverðir? Hvað þyrftu þá að vera margir í röðinni til að reglurnar myndu gilda? Hvað þarf marga í röð til að röð verði röð? Þetta er bara einn af þessum hlutum sem verður að vera í lagi.

raðari = maður í röð

Faðir vor, þu sem ert að klikka

Ó faðir vor, ó það er vor. Eða það hélt maður alla vega. Veturinn aldrei verið harðari, kaldari og sleipari en ákkúrat núna í byrjun mars!! Hvað er að gerast? Eru það ofurmiklar hárlakksúðanir eða graffitispreybylgjur sem eru að skapa þetta? Er þetta skyndibitafæðan sem orsakar offramleiðslu á endaþarmsgasi? Er þetta kannski andfýla þeirra sem hafa ekki efni á að kaupa sér tannkrem og bursta í vaxandi fátækt hér í heimi? Þegar ég stend fyrir framan spegilinn með hárlakkið og graffitíið, rekandi við og sleppi því að bursta, þá hefur mér alltaf skilist að ozonlagið myndi eyðast og það ætti að hitna!!! Ég þarf eitthvað að endurskoða morgunverkin mín.
Það er sama hverjum þetta er að kenna, þetta er óásættanlegt. Allir Danir búnir að vekja eftir væntingar hjá manni um að vorið sé að koma (byrjuðu fyrir mánuði síðan) og svo þetta. En hvað getur maður gert, vesæll maðurinn sem ræður ekki miklu í heimsmálunum. Það er ekki nema þegar Bush hringir og spyr um ráð sem ég fæ einhverju ráðið, en það verður alltaf stríð úr því. ég er hættur að ráðleggja honum, hann mistúlkar allt sem ég segi, hann skilur ekki neitt, ekki einu sinni íslensku.

Jæja maður lifir bara við þetta og reynir að njóta lífsins. Sverrir Stormsker stórskáld og snillingur orðaði lífið svona:
Lífið er einnota hóra,
sem liggur og stynur hátt.
Farðu upp á hana,
þú færð ekki annan drátt.

Góðar ozoneyðingarstundir.

Siggi er orðinn 10 ara

Jibbííí, ég skellti mér á fótboltaæfingu áðan sem er nú kannski ekkert stórmerkilegt, (ef undan eru skilin árin og kílóin) en það var 20 centimetra snjór á vellinum, geðveikt. Íslendingurinn trúði ekki öðru en að það væri búið að ryðja völlinn og mætti bara á stuttbuxunum í -2 frosti og var bara svalur, en það var ekki búið að ryðja og það var byrjað á rúbbí (flott nafn á íþrótt). Stuttbuxnamaðurinn varð af einhverjum ástæðum skotspónn allra hinna og vil ég kenna auknu útlendingahatri þar um...helvítis Danir. En fótboltinn sem var spilaður minnti óneitanlega á gæðin, tæknina og gleðina þegar maður var 10 ára á sundlaugavellinum í Breiðholtinu. ZHINNG PÚFF KLANG %!/&(&/%$!Q#())O"#$ shit, setti tímavélina í gang --FLASHBACK--

Kominn aftur. Frekar slakur á því annars, soldið pirraður á konunum sem eru með mér á námskeiðinu í Vejle. Þær skilja alltaf setuna eftir niðri, bara millisetuna. Þannig að við karlarnir þurfum að koma við rassasetuna þeirra!! En nei, þær vilja ekki þurfa að setja setuna niður áður en þær pissa. Hún er alla vega hrein þá. Við eigum sem sagt að ganga frá eftir okkur og við eigum svo að ganga frá eftir konurnar! Yes, kynjabaráttan er að skila sér, jafnréttinu er náð. Nei og aftur nei, nú er klósettsetustríðið byrjað í Vejle, ég pissa næst bara beint á setuna ef þær skilja hana eftir niðri aftur. Allt sem manni var kennt um klósettvenjur er bara fótum troðið og niðurlægt. Meira um klósettvenjur og ósiði síðar. Þarf að uppfinna (mjög gott orð) nokkur ný trikk fyrst.

"Skitur for hele familien"

Hungry anyone? Hverjir auglýsa svona aðrir en Danir?
Síðan ég flutti hingað til Danmerkur hafa alltaf verið nokkrir svona litlir hlutir við Danina sem að bæði bögga mig og gleðja og erfitt er að útskýra, hér ætla ég að nefna 3 þeirra.
1) Af hverju spyrja þeir:"Hvad er klokken?" Þegar klokke þýðir bjalla eða kirkjuklukka og á ekkert skilt við veggklukku, úr eða nokkuð annað sem mælir tíma að neinu leiti!!
2) Af hverju eru allar pulsur helmingi stærri en brauðið?? Tala slátrarinn og bakarinn aldrei saman? Þetta hefur örugglega byrjað sem eitthvað stríð, sonur fyrsta slátrarans hefur afmeyjað dóttur fyrsta bakarans og upp frá því hefur bakarinn aldrei vilja baka neitt sem passar fyrir "pulsur" slátrarafjölskyldurnar.
3) Vinsælt jólakaffiboðameðlæti hér eru eplaskífur sem eru borðaðar með sultu og flórsykri, en þær eru búnar til úr einhverju kleinudegi og eru, eins og nafnið gefur til kynna, kúlur eða bollur með engum eplum í !!! Auðvitað, eplaskífur, segir sig sjálft....

Allt harið i kjallarann

Ég klikkaði á grundvallaratriði í dag, fór í klippingu og valdi stelpuna með flottasta hárið. BIG MISTAKE!! Hún klippir sig auðvitað ekki sjálf, common. En hún klippti greinilega allar hinar, ekki gott move. Fór samt sáttur út eftir að hafa beðið hana um að laga og klippa 3 hluti aftur, þ.e. framan, aftan og hliðarnar. ekkert svo slæmt!

Komst líka að því í dag að eftir að hafa búið hér í 2 og 1/2 ár að við erum með GEYMSLU!!! Halló! Það er ekkert lítið orðið þröngt hérna hjá okkur eftir að hafa bara notað svefnherbergin og gangana sem geymslupláss. Nú þarf bara að bera allt draslið í kjallarann, vantar sjálfboðaliða, ég er of haltur fyrir þetta.

Iþrottapælingar

Ég hef verið að fylgjast með vetrarólympíuleikununum aðeins undanfarið. Þessa hátíð sem sameinar alla heimsins þegna og íþróttamenn á einn stað til að keppa undir kjörorðum íþróttahreyfingarinnar: "Það er ekki allt að vinna, það er aðalatriðið að vera með!" Gott og blessað. Það fá samt ekkert allir að vera með. Ég hef ekki séð einn einasta svertingja þarna!! Og einu arabarnir sem maður sér í sjónvarpinu og blöðunum hér eru að tala um teiknimyndir (þykjast samt vera rosalega þroskaðir) og minnast ekki orði á skíði eða skauta eða sleða.
Ég sé það nú alveg fyrir mér að Arabarnir eigi erfitt með að finna skíðabrekkur heima við og þess vegna á ég auðveldara með að skilja fjarveru þeirra, en hvað er málið með svarta manninn? Heimurinn er löngu kominn yfir það stig að svarti maðurinn eigi eingöngu heima á tilteknum svæðum jarðarinnar. Þeir eiga áhrifamestu sjónvarpsmanneskjuna í heiminum, bestu körfuboltamennina, fljótustu hlauparana, þolmestu hlauparana og bestu boxarana. Þeir eiga meira að segja besta golfara í heiminum! En engann skautahlaupara, skíðastökkvara eða gönguskíðahetju. Þeir eiga heldur engann skákmeistara held ég og mjög fáa sundmenn. Fyndið hvernig heimurinn virkar.

Ég verð aðeins að fá að tjá mig um knattspyrnustjórasnillinginn hann Moron. Maðurinn er snillingur, því er enginn vafi og eins og góðum snillingi sæmir þá er hann ekki í nokkrum tengslum við samtímann og þau lög og reglur sem að honum líta. Hann stendur fastur á því að það hafi bara verið spilaðar 35 mínútur af leiknum í gær og hitt hafi verið eitthvað annað en fótbolti, jahérna hér. Nú horfi ég (pínulítið) á fótbolta og bý í hlutlausu landi í þessu tilviki sem um ræðir og hér voru lýsendur sem og flestir áhorfendur ekki í vafa um ágæti þessa umtalaða rauða spjalds. Moron minnist svo ekkert á vítin 2 sem Chelsea hefði átt að fá á sig seinna í leiknum en þau atriði koma auðvitað bæði eftir fyrstu 35mínúturnar og þá var þetta ekki leikur lengur, alveg rétt. Hann kennir svo Messi, 18 ára gutta um að hafa platað dómarann og leikið þetta mjög vel. En hann minnist ekkert á leiklistartímana sem Messi sótti fyrir leikinn í áhugaleikhús Robben. En þar hefur einmitt verið æft stíft undanfarið að fiska menn útaf með "heiðarlegum" hætti að sögn Moron.
Það er mín von og ósk sem knattspyrnuáhugamanns að það verði komið fram við svona snillinga eins og hefð er fyrir í mannkkynssögunni; fangelsi, gelding eða gapastokkurinn. Leyfum svo komandi kynslóðum að breyta reglum knattspyrnunar og spila eftir reglum Morons eftir öld eða tvær. Þá verður leikurinn mikið einfaldari. 1)Ef eitthvað lið vinnur lið sem spilar eftir reglum Morons þá er leikurinn ógildur. 2)Ef lið Morons vinnur, þá skiptir ekki máli eftir hvaða reglum var spilað.

Bara ef við snillingarnir værum metnir af verkum okkar á meðan við erum á lífi. Þá væri þetta ekki svona ósanngjarnt líf!

Humorinn er nu ekki þroskaður

Sumir hlutir eru bara fyndnari en aðrir og þetta er bara með því fyndnara sem finnst held ég Hér er dýrðin

sunnudagur til sælu...kjaftæði

Þá er enn ein vikan búin, allir sem ekki dóu í vikunni eru orðnir viku eldri. Sama vitleysan heldur áfram og fólk keppist við að drepa tímann áður enn tíminn drepur fólkið sjálft. Allir stóðu á öndinni þegar eurovísa Íslendinga var kosin í gær og sjaldan hafa úrslitin komið jafn mikið á óvart enda er söngkonuna Silvíu Nótt hvergi að finna í þjóðskránni. Við sverjum okkur í sauðaupprunann og sendum álfkonu til goðanna í Grikklandi þetta árið, til hamingju við.
Mánudagur til mæðu rennur upp innan skamms og ég ætla að mæta betur undirbúinn undir hann en ég gerði fyrir þennan sunnudag til SÆLU!!! Hvaða bjána datt það í hug að sá dagur þar sem flestir í heiminum eru þunnir sé til sælu??? Þetta þarf að endurskoða. Talandi um endurskoðun þá er fugleflensan rétt ókominn til okkar og eru veðbankar farnir að veðja á fyrstu fórnarlömbin. Fjölskyldur sem gefa bra,bra á sunnudögum (til sælu) eru efstar á blaði. Annars held ég að atriðið með Erni Árnasyni í rambó búningnum í einhverju gömlu áramótaskaupi fari að rætast, þar sem hann plaffar niður alla farfuglana sem reyna í sakleysi sínu að ferðast til köldulandanna yfir sumartímann.
Horfum bjartsýn fram á veginn og verum góð hvert við annað, það er betra.

Goða Nott Island

Jæja þá er Ísland dottið í það! Og múhameð skálar fyrir því (að það er ekki bara hans fólk sem er hægt að heilaþvo á 30 gráðum).
Ég er hættur að átta mig á hvort sé heimskulegra, heilaþvotturinn á bak við Silvíu Nótt og Eurovisionlagið hennar eða heilaþvotturinn á bak við mótmælin gegn múhameðs-teikningunum. Þó ég hafi ekki fylgst svo vel með þeim lögum sem spiluð hafa verið, þá finnst mér samt eitthvað athugavert við að þetta hafi verið orðið "langbestalagkeppninnar" hjá flestum ungmennum á Íslandi áður en mörg önnur lög voru spiluð og jafnvel áður en lagið sjálft var "frumflutt"!!! Þetta finnst mér standa jafnfætis menningarstigi því og múgæsingi sem á sér stað hjá mörgum múslimskum löndum þessa daganna. Þar hafa menn heldur ekki heyrt eða séð allar hliðar málsins en eru samt sem áður mættir á torg til að mótmæla því sem þeim er sagt að mótmæla. Ekki ætla ég að fara út í smáatriði þessarra deilna en flestir læsir geta orðið sér út um staðreyndir málanna fyrir lítinn pening og með lítilli fyrirhöfn.
Einn punktur finnst mér þó standa upp úr og það er það hvað er miklu fljótlegra að heilaþvo áberandi hóp á Íslandi en í þessum arabalöndum. Það tók um fjóra mánuði að kreista einhver viðbrögð útúr múhameðsmönnum með tilheyrandi ýkjusögum væntanlega og lygum jafnvel, gamalgrónu hatri á vestrænni menningu og tjáningarfrelsið og með áróðri þeim sem tíðkast þarna fyrir sunnann okkur, en það tók ekki nema 3-4 daga (viku tops) að knésetja íslensk ungmenni, snúa þeim mót efstaleitinu og tilbiðja Nóttina. Aðferðirnar sem voru notaðar? Brjóta reglur, herja á þá sem auðveldast er að plata, ala á ungmennadýrkun. Aðferðirnar eru kannski ekki þær sömu, enda eru þær íslensku í það minnsta 16 sinnu hraðvirkari en kannski ekki alveg jafn öfgfullar. Gaman samt að sjá að allir þessi ungu sem "aldrei" horfa á Eurovision og opinberlega hata keppnina af því að hún er ekki nógu töff, eru farnir að berjast fyrir lagi í keppninni með öllu hjarta eins og sannir Eurovisionaðdáendur (SANNIR Eurovisionaðdáendur eru aðallega hommar skilst mér).
Þegar allt þetta er í botninn sett þá sannast það sem ég hef alltaf haldið fram: Það er ekkert auðveldara að ...æ, krapp, ég man aldrei hvað ég hef alltaf sagt því mér gengur alltaf svo illa að fylgja eftir eigin skoðunum. Það var samt örugglega eitthvað stórmerkilegt.
Sem minnir mig á það að ég var að keyra með dóttur minni í bíl hér um daginn og bíllinn fyrir framan okkur hegðaði sér eins og fífl. (Án þess að vera með einhverja fordóma þá held ég að það hafi samt verið bílstjóranum í hinum bílnum að kenna að hinn bíllinn keyrði eins og fífl.) Ég reyndi að komast fram hjá honum, oft, en án árangurs. Loksins stoppaði fíflið og ég komst fram hjá en ég sá ekki bílstjórann. Dóttir mín, sem er nú með skarpari skepnum á þessarri plánetu, sér bílstjórann lítur á mig með sigurglampa í augum og segir: "pabbi, þú hefur ekki alltaf rétt fyrir þér. Þessi var ekki gamall með hatt og þetta var heldur ekki kelling!" Hvernig er hægt annað en að elska svona börn?

popp, mjolk, Kristur og groðurhusaahrif

Vikan er bara búin og er það bara gott mál, þynnkan er líka farin, gott mál líka. Róleg helgi framundan ef undan eru skilin ca. 2000 verkefni sem gaman væri að gera og hafa safnast upp í gegnum tíðina. Þetta er mjög fjölbreytt úrval af svona "gerettabarámorgunn" verkefnum; þrífa bílinn, taka hitt og þetta í gegn, formata tölvuna, mata kettina, fara í bað, grenna mig, læra að syngja, ropa þjóðsönginn, sparka í dúfu (hljómar grimmt en ég hef samt oft pælt í þessu...) svo fátt eitt sé nefnt. Ég geri nú samt frekar ráð fyrir því að helgin fari í eitthvað nytsamlegra núinu eins og að borða, sofa, labba, hoppa, sitja, kúka, pissa, ropa, horfa á sjónvarpið með einhvern vanmetnasta kokteil sem fundinn hefur verinn upp, popp í annarri og mjólk í hinni. Ég býst við að sitja kyrr á meðan gróðurhúsaáhrifin (örugglega einu áhrifin sem ég finn um þessa hellgi) éti á sig og ósonlagið gat. Ég býst við að elska og verða elskaður af þeim sem ég elska og elska mig. Ég býst við að hugsa um eitthvað fáranlegt og pæla í einhverju sem öðrum finnst kannski afbrigðilegt. Ég býst við að fá að heyra eitthvað fallegt frá mínum nánustu þegar ég set poppskálina á borðið og að sama skapi býst ég við einhverjum ónotum þegar mjólkurfernan verður opnuð.
Stefnir sem sagt allt í eðlilega helgi þar sem Múhameð, Kristur, Búddah, Arsenal og fleiri verða tilbeðnir með mismiklum ákafa og mismikilli skynsemi. Það er ekkert að því.

Þorrablot og annað bölvað

Jæja, annar í þynnku í dag eftir afar skemmtilegt og eftirminnilegt þorrablót. Eftir mikið fráfall líklegra partydýra þá var útlitið nú að verða annsi svart undir það síðasta. Svo svart að margskonar efasemdir um ágæti skemmtunarinnar voru farnar að læða sér inn í höfuð manns. Svo byrjaði kvöldið, ekkert vel ekkert illa, bara svona fínt. Svo lagaðist það og batnaði og svo endaði maður á rassgatinu gerandi frín í fólki sem á heima í þarmi!!! (Tarm, på dansk) Shit! Þetta var fyndið og kúk og piss heilahvelið opnaðist upp á gátt og eins og þeir sem þekkja Sigurðinn kannast við, þá verður hann ekki stöðvaður eftir svona byrjun. En góðir hlutir taka flestir enda og eins og ég var alveg maður í áframhaldandi þarmræður fram eftir kvöldi þá var sett stopp á þorrblótið og kolding borg óttans heimsótt á ný. Lucca var staðurinn sem fékk að draga úr manni síðasta dansinn, síðasta pissið og gefa síðasta drykkinn. Rauðu jakkafötin slógu í gegn og konan mín leiddi þau heim, ég var farinn að lenda í vandræðum með að stýra þeim sjálfur....
Hlakka til að hitta þarmbúana aftur enda fékk ég heimboð til að kíkja á vatnslásinn og kanna heimahagi. Ég þakkaði fyrir gott boð og lofaði þeim að ég skildi mæta með wc pappír í farteskinu.... Fékk reyndar ekki bros fyrir frá þarmbúum en Gústinn bakkaði mig upp með miklum látum. Nú er byrjuð ný vika með nýjum vandamálum og nýjum lausnum, íkveiktum sendiráðum og trúarbragða misskilningi. Ég sit bara heima og rýni í arabískar orðabækur og vona að Kolding þýði ekki "bombið mig" á arabísku.

Muhammed i vinnunni

Sælir allir heimsins borgarar, smá-, ham-, og heims-!
Í gær var stór dagur í lífi margra og ekki fór undirritaður varhluta af því. Ég er byrjaður að vinna sem “Vikar”, sem er svona íhlaupavinna, dagur hér og tveir þar o.s.fr.v.. Fyrsti dagurinn var sem sagt í gær og mér tókst að fá menn á móti mér hægri vinstri þó að það hafi nú ekki verið minn helsti styrkleiki hingað til. Þetta eru nú engir háskólaplebbar eða slaufuhnútar sem voru þarna með mér og þegar ég hafði gert mér fulla grein fyrir því og áttað mig á að þeir hefðu örugglega komið og fengið borgað þrátt fyrir að ég hefði ekki komið til að leiðbeina þeim þá hætti ég að skifta mér af. Dagurinn leið hratt og mishægir starfskraftar létu mig líta einstaklega vel út í augum yfirmanna þarna á staðnum og ekki þurfti ég að hafa mikið fyrir því. Ég var svo kvaddur af samstarfsmönnunum með þeim orðum að ég hugsaði of mikið og ynni of hratt!!! Fín blanda samt. Þetta voru þá meðmælin komandi úr því horninu, ég þakkaði bara fyrir en kunni ekki við að ljúga “sömuleiðis” svari að þeim. Sagði bara takk og hló svona hálf fávitalega með.
Það er ansi hreint skemmtilegt andrúmsloft sem getur myndast ef maður er staddur á kaffistofunni með nokkrum sígarettustubbum og eigendum þeirra ef maður spyr þá útí Muhammed fárið, sem er “bæðevei” að rúlla yfir fugleflensuna í vinsældum. Þetta veldur þannig umræðum að ég sem spyr, skil ekki orð af þeim skoðanaskiptum og heimspekipælingum sem allir spekingarnir hrækja útúr sér með reykmettuðum orðum. Ég brosi bara, læði mér út og þakka fyrir fjölbreytilegar kaffistofuumræður í huganum og hugsa; Guð blessi Muhammed og alla hans vini!

um hvað hugsa karlmenn?

Þegar því er haldið fram að karlmenn hugsi ekki um annað en kynlíf, þá get ég ekki annað en móðgast. Það er svo mikið meira en það sem við notum hausinn á okkur í (margir okkar alla vega).
Í flestum tilvikum þá hugsar karlamaður heimilisins um bílinn; smurningu, bensíndælingu, fylla á rúðupissið, kíkj’á pústið, skipt’um dekk og fleira sem ég kann ekki einu sinni skil á. Viðhald húsa og/eða íbúða er næstum eingöngu á okkar höndum og hausinn er alveg á fullu að pæla í málningu og vatnslásum, parketslípun og nagla pælingum (þ.e.a.s. naglar, ekki neglur!) Við erum allmargir sem erum með ansi mikið hugsanapláss eingöngu tengt fótbolta og jafnvel sporti bara yfir höfuð. Við pælum í eðlisfræði, stærðfræði, heimspeki og rafeindavirkjun. Hestöfl, kúbik, vinnsluminni og skjáupplausn. Plasma eða LCD? Er VHS að deyja og DVD að taka við? Hver sér þá um tækniuppfærslur heimilisins? Við karlmenn sækjumst í að vita hvernig útvörp virka og hvernig það væri að spila golf á tunglinu. Stundum eru það bara skrýtnir hlutir sem eiga hug okkar allann eins og pælingin um það hvað myndi gerast ef maður ferðaðist yfir hljóðhraða og myndi prumpa. Hvað þá? Myndi maður finna lykt áður en hljóðið kæmi? Veit ekki. Þetta er bara pæling.
Með öðrum orðum, það fer ekki miikið fyrir kynlífi í okkar annars ágætis heila eins og konur vilja halda fram, það er bara ekki pláss, sorry! Allt sem heitir kynlíf, klám, brjóst og ég veit ekki hvað og hvað, verður einfaldlega að víkja fyrir einlægum áhuga og stanslausum pælingum okkar karlmanna á almennri manneskjulegri aðferðafræðitengdri líffræði!!!

konupæling

Þegar ég var strákur þá voru konur alltaf eitthvað svo fjarlægar, það var bara ein kona í lífi manns, mamma. Hún og þar með mín upplifun af konum yfir höfuð, var þannig að þær væru í því hlutverki að gefa manni mat, þrífa eftir mann og hjúkra þegar eitthvað slettist upp á milli okkar strákanna. Hörkutólanna. Það var eitthvað svo sjálfsagt að það ættu að vera konur þarna til staðar þegar við þörfnuðumst þeirra og væru ekkert að skipta sér of mikið af ef það væri ekkert kallað eftir þeim.
Eitthvað fannst manni þetta breytast þegar maður eltist (og eltist við þær). Þær gafu manni ekki lengur að borða heldur þurfti ég að fara að borga fyrir okkur. Ekki voru þær lengur til staðar við þrifin, heldur þurfti maður að þrífa sjálfur ef einhver átti að líta við manni. Ekki biðu þær lengur eftir manni heima eftir að maður kæmi slasaður (með marblett) heim af fótboltaæfingu, nei þær þurftu líka að vera einhversstaðar úti og ef maður hringdi, þá var manni (ekkert rosalega) kurteislega bent á að maður væri nú ekki að tala við mömmu sína!
Hvar klikkaði systemið, uppeldið?
Ég var alinn upp við það að vera hræddur við ókunnuga og að mamma reddaði öllu. Með þá hugsun í kollinum verður maður auðvitað hræddur við allt kvenfólk nema það líkist mömmu. Sem að endingu lendir beint í hausnum á manni, því tilvonandi konuefni vilja ekkert vera eins og mamma!!! Mamma verður þess vegna í flestum tilvikum óvinur þeirra númer 1,2 og 3. Þetta fyrirkomulag leiðir hinsvegar til þess að mamma verður alltaf áfram nokkurskonar áningarstaður, kvörtunarbanki, fyrir menn sem þreytast eða "pirrast" á konum sínum, því mömmurnar vildu aldrei missa okkur til einhverra illa upp aldra tengdadætra. Sem betur fer.

En í gegnum tíðina hefur mér fundist þetta fyrirkomulag á uppeldi ungra drengja verið frekar vafasamt og árekstragjarnt, en sem betur fer hafa verið tekin "framfaraskref" í okkar þágu. Nú er það bara pabbi sem eldar, þrífur og huggar, við vitum þannig ekkert hvernig konum við eigum að leita að og þegar við loksins finnum eina, þá verða hún og mamma vinkonur!!!
Er eitthvað rangt við þessa þróun eða er ég kannski að verða of gamall?

Snjoferðafrömuðirnir vinir minir

Hér nálægt miðdepli Danmerkur er allt á kafi í slabbi og skafrenningi, vindi og aumingjaskap. Strætó hætti að ganga á tímabili í dag og ég þurfti að viðra fagursmíðaðann Ford Escortinn til að sækja erfingjann og vini hennar í skólann. Ekki nóg með að strætóbílstjórum blöskraði "hríðin" og þorðu ekki út heldur voru starfsmenn skólastofnunar dóttur mínar yfir sig stoltir yfir hetjulegri og vasklegri framgöngu fjölskyldu okkar í óveðrinu...
Það er samt fyndið og líka svolítið fíflalegt að hugsa til þess hvað við Íslendingar lítum á okkur sem miklar íshetjur og veðurguði. Við erum ívið svalari og veraldarvanari en flestir aðrir þegar kemur að vindi og ofankomu, hvers kyns sem hún er (nema kannski froskaregni). Við meira að segja rennum aðeins niður og tökum af okkur hanskana á meðan að hinir óveðruðu útlendingar horfa grýlukertasettum öfundaraugum á okkur harðjaxlana hoppa út og ýta. Einum, tveimur og fleirum bílum ýtum við eins og ekkert sé, en bara út í kant. Ég ýti ekki bílunum þeirra aftur inn á veginn þar sem vinir mínir og skyldmenni gætu verið á ferðinni, ekki sjens.
Þetta litla land, sem límt er við Þýskaland en tilheyrir nú samt sem áður Skandinavíu og ætti þar af leiðandi að lúta eðlis og líffræðilegum þáttum víkinganna sem þeir stæra sig nú mikið af, er ekki hátt sett í mínum huga sem vetrarhugsandi þjóð. Þeir verða alltaf jafnhissa þegar það snjóar og blæs og ekki trúðu þeir nú þessu nýjasta útspili veðurguðanna svona rétt ofan í skírnarveislu aldarinnar sem framin verður á laugardaginn kemur. Þetta getur nú ekki verið sanngjarnt! Prinsins og prinsippisins vegna auðvitað!
Danir eru góðir á mörgum sviðum, en þeir verða seint settir ofarlega á listann minn yfir snjóferðafrömuði heimsins.

allt sem er

og verður gert og skrifað hér verður engum að kenna, engum að þakka og ekki skapað til að meiða eða særa eða hjálpa neinum.